കവിതകൾ

കസേര

ഒരു ബോധി വൃക്ഷമാണ്.

ബുദ്ധന്റെ ഇരിപ്പിനോളം വരില്ല,

എങ്കിലും, നീണ്ട മൗനത്തിൽ

ഏറെ നേരം ഇരിക്കാനാകും.

മുറി

ഒരു കാടാണ് .

കൂരിരുട്ടോ ജീവികളോ

പച്ചപ്പൊ അരുവികളോ

പേടിയോ തോന്നാത്ത

കനത്ത ഏകാന്തതയുടെ കാട് .

പെൻസിൽ

ഹൃദയമുള്ളൊരാൾ

കണ്ടുപിടിച്ചതാവണം!

ശരിയാകുന്നതുവരെ തിരുത്തിയെഴുതാം.

തിരുത്താൻ കഴിയുന്ന നല്ല പ്രായം ബാല്യം.

മുതിർന്നവർ തിരുത്തിയെഴുതാറില്ല

തെറ്റുതിരുത്തുക പ്രയാസമാണ്

വെട്ടിക്കളയുകയേ നിവൃത്തിയുള്ളൂ.