കാമുകൻ

 കാമുകൻ 

നിൻറെ ഹൃദയത്തിൽ 

എന്നെ ഒളിപ്പിക്കുക ,

ആർക്കും കണ്ടെത്താൻ 

കഴിയാത്ത വിധം കുഴിച്ചുമൂടുക!

ഞാൻ നിനക്കുമാത്രം 

അറിയാവുന്ന  ഒരു  രഹസ്യമായിരിക്കട്ടെ .

ഞാൻ ഒരു സ്വപ്നമായിരുന്നു,

മദ്യംപോലെ നിറകുപ്പി ലഹരി,

മത്തുപിടിച്ചു മറിഞ്ഞുവീഴുന്ന 

പരിഹാസ കഥാപാത്രം .

അർത്ഥം കണ്ടെത്തേണ്ട പദങ്ങൾ 

ചരിത്രത്തിൽ മുൻഗാമികൾ 

തിരുത്തിക്കളഞ്ഞു.

എന്നിലൊന്നും അവശേഷിക്കുന്നില്ല,

പകുതി ചാരവും പിന്നെ വിഷവും .

എടുത്തുവെക്കുവാൻ ഒന്നുമില്ല,

 കണ്ണീരും   ദുഃഖവും   ആരും 

ശേഖരിച്ചുവെക്കാറില്ലലോ!

നിന്റെ ഹൃദയത്തിൽ 

എന്നെ ഒളിപ്പിക്കുക,

അവിടെ ഞാൻ ഉറങ്ങട്ടെ ,

ഭൂമിയിൽ ഒരിക്കലും ഉണരാത്തവിധം.